KIDUNG SANGHYANG DEDARI TALEPUD

PANGUKUP

Purwakaning angriptarum, Ning wana ukir,

Kahadang labuh, Kartika panedengin Sari,

Angayon tanguli ketur, Angringring, Jangga mure

Sukania arja winangun, Winarna sari,

Rumrumning puspa, Priyaka ngoling tangi,

Sampuning riris sumaura, Mungguing, Srengganing rejeng,

Om hyang ayu ngiasin gelung, Ngrangsuk raja busana,

Gelang kana pinggel agung, Masimsim masekar taji,

Mengaji hyang jenar sari, Makepet cina rata,

Kekasange alus, Sarwa mirah manik,

Widyadarine tumurun, Ngegana diambarane,

Anonton sekare arum, Ambune miyik sumirit,

Kawula pada menangkil, Prasama manunas ica,

Mangda gelis turun, Ring pura melinggih.

Sanghyang sampat, mariki turun malingse,

Malingse mangda becik, Mangigel sereg-seregang,

Seregseg-seregseg sira yayi, Turun sira manelimat.

Sri ayu putus, Kaja lungah lumaris ledah,

Uludana-uludana, Sri putus, Magonjar-gonjar.

Unya-unya urut-urut, Urutang ayu dedari,

Arum dupdupang apange sirep.

Dumarau ngegana dumarau sidi, Anenembah diarepe,

Tumurun betara Indra, Widyadara-widyadari anggon Sanghyang. ( 2x )

Dumarau ngegana dumarau sidi, Dupdupang pangelali,

Puniki ganjaran sirep pulpulang pangdeldelan,

Pang enggal-enggal nadi, Ingsuna katon karma,

Mengajap kebyar-kebyur, Gending gumuruh ajaripang rawuh,

Sapa nuntun gending gumuruh, Maken ijo maken nudut manah.

Nudut manah dodotin madyane ramping,

Ikang conteng ya ikang moning, Katungkul majejogedan.

Kukus gunung cenana manguntap dewa, Manguda dereng nurunin,

Tidong turun manyoged, manyoged eleg-elegin,

Mangepil-epilan oncer, oncer idane, Aduh dewa ya sutra dadu,

Ya oncer idane, ya sutra dadu.

Merak mekincir kuning, Payas ijo mewangsul lilit,

Mangigel tengahing natar, Igel dane ya lenta-lente,

Matanjek magelung wangsul. ( 3x )

DEDARI PUTIH

Kukus arum sane katur ring sang arum, Preragane lempung lemuh,

Busanane sutra petak, Gegelunge mas maukir.

Preragane abra murub, ida wantah mapuspata,

Widyadari petak suci, Jaga ngaksi kaulane sane subakti.

Madak ida prameledang, Mapaica amerta sari,

Ring panjake sane subakti, Mangda sida jagate sami raharja.

Sendon Dari Putih

Singgih ratu, titiang nunas, Mangda ratu,  ledang nonton,

Doning sampun, para panjake, Nangkil atya, nunas ica,

Mangda rahayu.

Ratu ayu, maken petak, Sutra alus, mampok-ampok,

Mangruda mungkur, selendange,

Pake depdep, asri pisan, Nudut kayun.

Masekar jepun, miwah sandat, Magelung agung, tur meron-ron,

Mas linuwung, tur metatah, Masoca mirah, mangurayab,

Ngawe ulangun.

DEDARI KUNING

Sekar gadung ya sekar gadung, Anggrek lan medori putih,

Celeng petak tunjung biru, I ratu mekarya tirta.

Tirta ening ya tirta ening, Sibuh mas toya ring sangku,

Siratin ragan idewa, Ketisin juru kidunge.

Wus meketis ya wus maketis, Turun widiadari kuning,

Ida turun saking suarga, Nyingakin panjake sami.

Malih benjang ya malih benjang,  I ratu turun kaundang,

Malih benjang, I dewa turun kaundang.

Sendon Dari Kuning

Durus ratu, mangkin tedun, ring natare,

Mangda kayun mailen-ilen,

Sesolahan kadi kendran becik pisan.

Pahiase, pangus pisan, sutra jenar,

Masnguranyab asri pisan,

Gegelunge mas mesoca mirah ratna.

Pinggel emas, majejawan, sasimpinge,

Mas metatah manguranyab,

Swabawane abra murub ngulangunin.

Pasledete, kadi tatit, semitane,

Nyurnyur alus ngetus manah,

Madya rengkyang lemuh pisan magoleran.

DEDARI KEMBANG  JENAR

Kembang jenar mangundang-ngundang dedari agung,

Sane becik becik ratu undang, Hyang supraba nunjung biru.

Tunjung biru ngrangsuk busana meanggo-anggo,

Tidong saluk baju mase, becat miber magegana.

Magegana mangilo-ilo ngaja kanginan,

Kepanggih taman di jero, tamane bek misi sekar.

Taman emas sandingin pudak anggrek guringsing

Tiga kancu manah soli sempol, Kedapane ngalelepe.

Ngalelepe alapang pudak medori putih,

Eyeh empul suda mala, I ratu mekarya tirta.

Tirta ening makebyar-kebyur di taman sari,

Tidong turun widyadari, Manurunang dari kemang jenar

DEDARI KUPU-KUPU

Kupu-kupu metaruman, Balang dawa di batan jurang,

Daun kelenco dangin kabirbir, Kampid idewane ngedir

Dari kupu ngrangsuk raja busana, Praya lunga nglanglang ulangun,

Solah ida luwir sesapi mengindang, mekadi kupu metarum.

Metaruman mekepet dadua, Mekadi merak mekepu,

Buka kena pangeger I jaran guying,

Pangerger melah tong dadi bancut,

Kudiang jani mangelesang, Gunane kadung manyusup.

DEDARI CAPUNG

Nyelang gunting kesaren kangin, Cakete matebu-tebu,

Pacang napi manyelang gunting, Pacang angen ngunting ikut capung,

Capung napi pacang kagunting, Capung emas plalianan widyadari,

Widyadari turun nemangkin, Ngeberber mekadi capung,

Ngasirsir mekadi angin, Makebyur ambune miyik,

Wangine kadi cenana, awor ring sekare miyik,

Ida turun sakeng suwarga, Mengaksi panjake sami,

Panjake sami pedampiak, pacang nunas amerta sari,

Sarin tawon sarin pari, gemuh landuh lan waras sami.

DEDARI TUNJUNG BIRU

Sekar jepun, alapang medori putih,

Ratnane putih ngerembyok,

Ya celeng petak lan tunjung biru.

Sibuh emas, medaging tirta amerta,

Siratin ragan idewa, siratin juru kidunge,

Siratin juru gambele, durus siratin panjeke sami.

Dedarine turun kamercapada,

Arsan ida mengaksi panjake sami,

Sane lara ratu sanghyang menambanin,

Tamba becik ratu mamicayang,

Kasiratin mewastu seger waluya,

Waras sami sida mengaturang ayah,

Ngayah sami deha teruna pepatehan,

Sami siaga pada mengaturang sembah,

Sembah bakti mangda sida kerahayon,

Dedarine turun ngalap sekar,

Sekar gadung melilit di ampel gading,

Ye ngenem bulan ratu sanghyang ngelelayak.

Tampalan-tampalan badung, Juru rangda ya sampun tedun,

Malinggih di tumpang solas, Igelnyane meratangilo,

Pemargine ngalang bulan.

Ratu raden pandung ( mengijik ratu masolah (2x) )

Masolah mangusud gelung,

Gelung agung ( babintangan mapirada (2x) )

Sinanggih pusuhan jepun

Ratu raden pandung ( iratu ngrawosang pandung (2x) )

Memandung rangdane sakti,

Rangda sakti ( panikane gragah gruguh (2x) )

Nganikain juru pandung.

Sendon Dari Tunjung Biru

Titiang nunas, mangda ledang, ngampurayang,

Para panjake, sinamian, apan wimuda, tambet pisan.

Durus picayang, pemargine neutama,

Mangda titiang, ngemangguhang, kerahayuan, sinamian.

Madak sueca, ngalugrahang, pangleburan, dasa mala,

Wastu titiang, sinamian, suci nirmala.

Para panjake, mangdane sami waras sinamian,

Mangda sida mengaturang ayah ring betara.

MEMENDET

Memendet dewa memendet, Pendetan wancine cenik,

Wanci cenik ukir-ukiran, ukiran gedong melati.

DEDARI SUCI

Dari suci, lali-lali, ke bencingah,

Selukin, ayame, sangkur,

Mabongbong, selat kalangan,

Metoh satak, ya menang siyu,

Ya metoh satak, ya menang siyu,

Tajen rame, dedari, medagang gantal,

Gantale, metali bungkung,

Parekan kayun menumbas,

Dadua keteng, tetelu nyaruk,

Ya dadua keteng, meimbuh roko.

DEDARI BETARA SRI

Kadi punyan nagasari, tumbuhe di tamansari,

Meancak saji, maserung mablumbang,

Masungga puling, sinah tan sida ngaras pipi,

I ayu mungguh ring tengah.

DEDARI BETARA GANA

Betara gana medal ida ke mercapada,

Kayun ida pacang lunga mailen-ilen,

Slasah-slisih kadi tupeng wawu medal,

Kedap-kedep manyingak panjake sami,

Panjake sami mejajar, mejajar di natar pura,

Pura alit penyungsungan, penyungsungan sareng sami.

DEDARI MANCAWARNA

Sanghyang siwa, prebawane, mancawarna,

Ungguan ida, maring madya,

Astran ida, padma ngalayang,

Kadi surya, pingit pisan yukti teka.

Yukti arang, wong weruha, ring punika,

Apang singid, reh utama,

Larapane, mangulati, yoga semadi,

Ne patut tincapang malih.

Ngrana sika, mekek bayu, manunggalan,

Ongkarane, ane ngadeg, lawan nyungsang,

Kadi ngadu, tungtungin rwi,

Nelintang bet rimbit pisan.

DEDARI ANGON

Dewa ngangon di tegal linggah, Kalimoto kalijungul

Don cemara don sembunge, Sembunge punggulang angin.

Dewa ngangon manegulang banteng, Bantenge sedek makepu,

I ratu mepica tedan banteng, Bantenge sedek ngelungsur,

DEDARI BOTOH

Sampun janten pangiringe, babotoh saking gianyar, Tangkis ngibing cara denbukit, Jangjang jamprah selat damar, Metanjek makejit ngincang.

Maseleog mauderan, pemargine menolih-nolih, menolih I juru kidung, meriki dewa meriki, merarian ke saren agung.

Sampun wenten bale lanjang, kasur sari galeng tumpuk, pepayasan makelambu, pamereman yun dedara, menyanding dari supraba.

Di dindinge damar alit, kepet rua mekembaran, kepeteng ratu masolah, mesolah di natar pura, ngabrebeh ida memargi.

Dempo-dempo ya ya dempo-dempo, meonced-oncedan, kadi linus meulehan, buka busunge ampudin.

Tangan lelo ya ya tangan lelo, Lemet-lemet melengkung, Jerijine lurus mengancan, Buka busunge ampudin.

Sesengkange ya ya sesengkange, Mas emas metrawang, Sesocane mirang delima, sesocane mirah-mirah adi.

Kecas-kecos ya ya kecas-kecos, Kadi garuda masolah, Alah sesapi mengindang , Masuluh di semer ening.

Susu rupit ya ya susu rupit kadi gedang, Kadi gedang nyalang gading, Buka salak kelumadin.

Krenyang-krenying ya ya krenyang krenying, masigsig pat-pat, untu nyalang kadi danta, isite ngembang rijasa.

Krijip-krijip ya ya krijip krijip, penyingakne, Menyeledet manyeleog, kenyung manis nolih-nolih.

Cai ketut matetajen kangin, Mepek ngundang botoh, Tetajene kelangkung ramene, Cai ketut magelar abangsit, Menang duang tali, tetajene sampun suud.

Raris ngojog ya idagang nasi, Tumuli manyongkok, Cai ketut alus pamunyine, Baang kuda tiang meli nasi, Megenep isine apang ada aji satus.

Laut ditu ya i dagang nasi, Bincuh nyemak tekor, Pengisine sewarna ebene, Kacang-kacang lawar teken guling, Sate pada misi, tetimbungan babi kebo.

Sampun tetep ane pada misi, mengenjuang tekor, Cai ketut alus penampene, Emoh-emoh ya medaar nasi, Tanpa nolih kori, ulun ati sedek ibuk.

Kacerita ya mekire mulih, Mapan tiang goroh, Megenepan gagapane lakar mulih, Biu salak manggis teken croring, duren buluan wani, Be guling serapah penyu.

DEDARI BALANG MINYAK

Singgih ratu sanghyang widi, Titiang nunas sane mangkin,

Swace ratu menawengin, Meranane puniki sami.

Damuh minyak walang sangit, Miwah wereng maka sami,

Balang minyak balang somi, Balang kajoh tan ngaduk sami.

DEDARI KRENYET

Cunge-cunge pingga-pingga, Ngambil uga di keliki,

Dewa krenyet mekejang ambila, Baktan ida rawuh deriki.

DEDARI WOT

Kembang pepe ya kembang pepe, Jepite gantung don paspase,

Buka kengken mantun-mantun memene, Buka lutung megasgasan.

Gending Widyadari Wot

Para widyadarine, Ida pacang mapaica maha merta.

Amerta sane kapica, Ring pantune wantah yukti kegenahang.

Amerta wantah utama, Maka pengantungan uriping manusa.

Sampunang mangkin lempas, Astatine maring ida sanghyang widi.

Ane anggon sarane, Nunas ica maring ida sanghyang widi.

Daun kelawan sekar, Woh-wohan kelawan toya jangkep sami.

Sejabaning punika, Kayun suci malilang galang apadang.

DEDARI KAKUL

Dari kakul, mengigel nyirig pundukan, Taluhe , jomprot-jomprotan,

Kadenang, jaja begina, Kalud renyah ya buin nyangluh,

Ya kalud renyah, ya buin nyangluh.

DEDARI LUNG-LUNGAN LAMPIT

Lung-lungan lampit, lung-lungan uga,

Plaibang sampine ane berag tugreng (3x)

DEDARI DEWI

Dewi ayu  metangi meilen-ilen (2x)

Dong pirengan munyin solinge dijaba ya ya,

Dong pirengan munyin solinge dijaba

Enyen ento manyuling dijaba tengah (2x)

Gusti ngurah alit jambe pamecutan ya ya,

Gusti ngurah alit jambe pamecutan

Buka kengken munyin solinge di jaba (2x)

Sruwang-sruwing gagupekan mecadang kempur  ya ya,

Sruwang-sruwing gagupekan mecadang kempur

DEDARI PANGSEG

Kaki tantung, napi abyane kal udud,

Apa abyan kakine, tuung kokak tabya ranti,

Tebu ratu, di sisine ratna mengambyar.

Putri ayu, mesingal sambil mejujuk,

Rambutnyane panjang, mewastra tebel mepilpil,

Yan melalung putri ayu cotot siap.

DEDARI ANTENG

Nyampat macuniga, mebanten sumping keladi,

Ane nyampat dadi dewa, ne mebanten dadi gusti,

Para dewa turun mamuja, para gusti turun mebaris,

Enyen teke uli kaja, macengkeg pucuk akatih,

Apake runtutnya, jebug genggong nagasari.

DEDARI NGELAMPIT

Kerat-kerut, bintang ulung manelebuh,

Baberokan dadua, umbul-umbule akatih,

Ulu telu, sesukune dadi adasa.

Capluk-capluk, rangdane ya sampun tedun,

Naga banda makembaran, ne nututin macemeti,

Srayang-sruyung, kiwa tengen ya maninjak.

DEDARI MAS MEKEPUR

Dedari turun ka mercapada, Arsan ida mekadi emas mekepur, Kayun ida pacang lunga melegong-legongan maring natar pura, Pura alit penyungsungan sareng sami.

Sendon Dari Mas Mekepur

Ledang ratu mangkin tedun, Mapaica mas mekepur,

Ring panjake maka sami, Mangda sida gemuh landuh,

Tan kirangan pangan kinum, Seger oger lunas-lanus,

Tri bogane mabuat, Mangda ledang kapicayang,

Reh punika larapane, Pacang mangguh negarane,

Pacang kerta nekebuatang, Olih Para jana sami.

Nb :        Wastra putih

                Kepet 5

DEDARI MAS MELILIT

Kayu emas ratna di taman sari,

Dong mewastra sutra jingga mapurada,

Buka emas sami di taman sari,

Penepeke sutra kanta mekembaran,

Melah saja penginten sanghyang,

Baju batik babintangan sarikonta.

Gending Widyadari  Mas Melilit

Mangkin tedun, sang rumaga hyang sinuhun,

Abra pisan, wantah anut busanane,

Mas melilit, masesocan mangendih murub.

Durus ratu, ngelanturang pican iratu,

Arta brana, ring panjak iratu, sinamian,

Mangda sida, memangguhang, gemuh landuh.

Sweca ratu, ngalugrahang, sane rahayu,

Maka mon mon, panjak iratu,

Mangda sida, ngaturang ayah,

Maring ida hyang sinuhun.

Nb          : Kepet 3

DEDARI MAS MEKETEL

Sekar di sekar emas ngareronce,

Sekar gadung di sanggar langit,

Soyor kangin soyor kauh layak-layak,

Lamun dilamun oneng galap sekar,

Sekar emas di pucuk kuning,

Nagasari sekarang ratu mesolah,

Igel ya igel ida nolih-nolih,

Manolih i juru kidung

Juru kidung pengaroge sampun ngambyar.

Gending Widyadari Mas Meketel

Om awignam astu, moga mami, Natan keneng tulah carik,

Apan mami tuhu muda, Natan weruh ring susila,

Titiang jugul, nuntun ratu mas meketel.

Yan iwang antuk titiang, melaksana, Twi mepajar, lan memanah,

Sweca ratu ngampurayang, doning tambet titiang lintang,

Nenten pisan uning maring iwang patut.

Diyastu titiang tambet, taler titiang, Mapinunas mangda ratu,

Ledang ngangge titiang panjak, Mangda titiang polih pisan,

Nganampekin palinggih i ratu sanghyang.

DEDARI PUTUS

Dewa putus kautus saking suwarga,

Kayun ida pacang lunga mailen-ilen,

Solah ida kadi legong wawu medal,

Sledat-sledet menyingak panjake sami,

Panjake sami mejajar, Mejajar di natar pura,

Pura alit penyungsungan, Penyungsungan sareng sami.

DEDARI SUPRABA

Sekar sandat menuh gambir, Pucuk menyan medori putih,

Manah soli sempol, Kembang cina ratna petak pancer galuh,

Dedari supraba raris ida memargi,

Mangulati sekare becik, Arsan ida ngalap pudak,

Mangulati pacang ngemban pange ayu.

Ukir kawi ukir kawi, Unagi sakeng gegelang,

Druwen ida bethara bagus made, Ida arsa nyeneng sekar,

Sekar sandat pucuk kuning.

Sekarang dewa mesolah, Baris kepet mekembaran,

Menyabit oncer-oncer mewarna, Mengumbang cara peresi,

Menolih ngenjekin kempur.

Kempur emas druwen dari supraba, Materompong gender calung,

Gagupekan gadung-gadung melati, Sesulingan cara kendran,

Uruk-urukan wong inggris.

Pragina bajang bagus anom, Maudeng batik bang kuning,

Maonggar-onggar cempaka petak, Nyungklit keris nyemirin danta,

Medanganan mas meukir.

Minggir-minggir, rebab dadua, Suling patpat, tetabuhan, celempung gading, Cemarane sriat-sriut.

Nb          : Kepet 5

DEDARI MANIK TOYA

Ketut tidong bangun, suba lemah,

Dong meriki, I ketut nandang payas,

Dong mewastra, di kembang bukit,

Masinjang, pitula sutra,

Pepetete sutra jenar,

Oncer dane sutra dadu,

Anteng dane guringsing wayang,

Sesocane mirah delima,

Sesengkange mas metrawang,

Masesocan mirah ratna,

Druwen ratu manik toya.

DEDARI LUH TAMA

Putri ya alit ayu,

Makulambi ya lungsir kuning,

Dasarnya ya sutra dadu,

Maseselet keris ngelelo,

Kekandele silih asih.

Nb          : (Kidung : Kekincir, Sesolahan : Mantri )

DEDARI JUBEL

Klijat-klijut metapa ring gua, Mesalin rupa lungsir kuning,

Kecucutan darmawangsa, Kelipese ngundus keris.

DEDARI GELUNG AGUNG

Gelung ya gelung agung,

Mabulengker ya sekar gadung,

Matibtib garuda mungkur,

Meselendang dane guringsing,

Anteng tangi mebaju emas.

Nb          : ( Kidung : Kekincir )

DEDARI REJANG KENDRAN

Rejang kendran, Widyadari turun mepayas,

Sempol sekar menuh, Mewadah wanci meprada.

Warna luwung, Kadi bulane nadarin,

Tandang kadi sutensu, Mabulengker masekar tunjung.

Ketes maembah, Tayungane ngantu-antu,

Tandang kadewatan, Maketes mabungkung emas.

Soca mirah, Manguranyab mangedanin,

Sandingin bintang kartika, Liar-lier malokange lumlum.

Melok-melok, Langsing lanjar magoleran,

Carmane putih alus, Kadi salak kelumadin.

Ratu-ratu agung aras kuda titiang (2x)

Titiang amamuat (2x)

Pabuate semarandana miik sumirit.

Ratu-ratu agung aras kuda titiang,

Titiang amamuat (2x)

Pabuate semarandana miik sumirit.

DEDARI BETARA WISNU

Betara wisnu turun ida ring mercapada,

Busanane sarwa ireng manguranyab,

Gelung agung cecandian mas metatah,

Masesocan mirah ratna mutiara.

Pradnyan wira ngagem cakra lintang luwih,

Ida turun miara jagate samian,

Wastu sida gemuh landuh lan sukerta,

Pan wihikang ring jagate nyakra werti.

DEDARI IDA GEDE

Ratu ida gede medal ida ring purian,

Kayun ida masolah di natar pura,

Solah ida luwir baronge gaboran,

Masumpang pucuk akatih,

Luwir kampuh ida sutra poleng manguranyab,

Wastran ida sutra petak gegampelan,

Sekar ida luwir di terange meoncedan,

Pepetete sutra jingga mapurada,

Luwir kayun ida pacang lunga mailen-ilen,

Kayun ida manyingak panjake sami.

Jero wayan tedun meriki mangkin ,

Sinjange ngerompyong,

Ragan dane, nyalang dinyandat gading,

Betene gadang, di duurne putih,

Untu dinyalang gading,

Wawu kepirengan baru.

Odak raga, odak di cokor ulit,

Cerakene wenten, reracikan sampun pada medaging,

Jebug garum, sintok masuine,

Jlewe di pula sari, cekuh lanang sampun ditu.

Odak raga, odak di cokor ulit,

Cerakene wenten, reracikan sampun medaging toya,

Pasaure iluh di kunang sasih,

Dong urutin nira, nira poyok sai mandus.

DEDARI GEGAR PETAK

Gegar petak kautus nyunarin jagat,

Makeber di pura agung,

Arsan ida mangilehin jagat,

Nyeregseg magulu wangsul,

Kampid sutra menguranyab,

Matinggah di pura agung,

Cucuk emas masoca mirah manguranyab mangedanin.

DEDARI BELECING

Ratu durus medal mengaksi sarwa prani, (2x)

Punika wantah amon-mon tedune mekadi mangkin,

Nika maka sami sehananing ne metuwuh, (2x)

Ratu wantah naruwenang patut polah-palih galah urip.

Kidung Dari Belecing

Bikul ngalih tulang enggak enggok ngalih blecing,

Ikatak juru jongkok, I cunga curu nabing.

DEDARI MANCAGINA

Dampar emas, dedarine, turun memaca,

Nekapaca, rontal wiwaha, swaraning,

Ki juru paca, lwiring, sunari anginan,

Wirama merdukomala, Turing maguru lagu.

Sang memaca, murwa kanti, Dahating siksa, enjekan basa,

Tan timpang, juru basa, Melinggih nyempel, metanganan,

Tudang-tuding, pengucape manis, banban swarane merdu rempuh.

Nb          : ( Kidung : Dari Suci )

DEDARI BEGAL

Sasi wimba haneng gata mesi banyu,

Ndan asing suci nirmala mesi wulan,

Iwa mangkana rakwa kiteng kadadin,

Ring ambek yoga kiteng sekala.

Prihan temen darma dumaranang sarat,

Saraga sang sadu sireka tutana,

Tan arta tan kama pidonia tan yasa,

Ya sakti sang sadnyana darma raksata.

MUNGGAH

Suba emar ya suba tuyuh, sumbune meprapit emas,

Ngaja kanginan dewa ngaja kanginan mangojog kori agung,

Kori agung ukir-ukiran,  ukiran gedong melati.

Menek-menek reke sanghyang kejempaka,

Tuwun-tuwun reke sanghyang ke beingin,

Nira keme reke sanghyang nora kesapa,

Titiang mulih reke sanghyang pengelingin.

Atep puput, atep puput, atepin ayu dedari,

Ratu mantuk ke suwarga, titian budal ke peturon.

Makreg langse, langsene anyar, mapindaan niwang sengsari,

Aruh mapindaan niwang sengsari.

Item-item tapuk mangis, temune bubur bungane,

Selem sedek kenyung manis, putih gading tara gunana,

Aruh putih gading tara gunana.

Bintang siang reke sanghyang tumbuh kangin,

Kasunane reke sanghyang tarik mebunga.

Apang tangar nyai deha kayeh kangin,

Tarunane reke sanghyang mesawang guna.

Guna ape reke sanghyang kepasangin,

Guna pules reke sanghyang pang kelilit.

Mulih insun mulih, mapa insun disuarga,

Apa rarapan insun mulih, bantal tebu mapahias.

Mulih insun mulih, mapa insun disuwarga,

Apa rarapan insun mulih, wastra alus selendang petak.

Mulih insun mulih, mapa insun disuwarga,

Apa rarapan insun mulih, simsim sengkang pinggel emas.

PENYALONARANGAN "KAUTUS RARUNG" VERSI TALEPUD

Tujuan saya menulis cerita ini adalah supaya generasi muda khusunya di Desa Kami Desa Pakraman Talepud, Br. Pujung Kaja, Sebatu, Tegallalang - Gianyar mengetahui bahwa di Desa sendiri terdapat Cerita yang dibuat oleh Panglingsir kita terdahulu.
Selain Wayang Wong di Talepud juga banyak terdapat cabang - cabang kesenian diantaranya dalah CALONARANG yang asli terdapat disini (untuk kesenian lainnya akan saya tuangkan kedalam tulisan berikutnya).

Membahas mengenai Calonarang sejauh yang saya tahu dulu di dirikan oleh Panglingsir Di Talepud yaitu Dane Jro Gde Kubayan I Ketut Mitja (Alm). Beliau menghimpun para anak muda yang giat untuk berkesenian dan melestarikan kesenian maka lahirlah sebuah cerita Pecalonaranganyang diberi judul "Kautus Rarung." Konon dikatakan apabila cerita atau lakon ini diambil keseluruhan untuk dipentaskan bisa berdurasi sampai 4 Jam dalam pementasannya (belum beserta improvisasinya).

Betapa bangganya kita sebagai generasi muda diwariskan sangat banyak inventaris kesenia di Talepud ini.
"TERIMAKASIH PARA PENGLINGSIR :)"

Okeh mari langsung saja kita ke jalan ceritanya, tentunya dalam tulisan ini masih banyak ada yang kurang, mohon para pembaca berkenan untuk menambahkan lagi. dengan cara mmposting komentar kepada saya. heheh

KAUTUS RARUNG

Diceritakan pada jaman dahulu kala terdapat panegara yang bernama Tanjung Pura disana dan di pimpin oleh janda sakti yang bernama Nyi Banowati, Banowati memiliki banyak sekali murid perempuan yang mempelajari ilmu tentang Pangeleakan diantaranya adalah Rarung, Lenda, Lendi, Guyang Waksirsa, Mahesa Wedana dan masih banyak lagi. selain memiliki muris, banowati juga memiliki seorang putri yang cantik bernama Diah Ratna Manggali. 

disuatu ketika Banowati memanggil semua murid - muridnya untuk berkumpul di bale tempat mereka menerima wejangan, disana Banowati mencurahkan isi hatinya yang sedang sedih karena menunggu Raden Wirosapati yang belum kunjung datang untuk meminang Ratna Manggali, Raden Wirosapati adalah seorang Putra Mahkota di Jagat bernama WILWATIKTA. 

Karena merasa sangat gelisah dengan janji Wirosapati, Banowatipun mengutus salah satu muridnya untuk bersedia ke Wilwatikta untuk memastikan apa gerangan yang terjadi. tanpa rasa ragu Rarung pun menuruti perintah Banowati untuk datang ke Wilwatikta. dan berangkatlah rarung. di Tanjung Pura Banowati Menunggu akan kepulangan rarung dan membawa berita baik.

Selanjutnya diceritakan di Jagat bernama Wilwatikta, disana merupakan kerajaan tempat tinggal Raden Wirosapati, disini terdapat situasi yang kurang bersahabat yakni Raja wilwatikta mengumumkan kepada semua pengawalnya untuk bersiaga de areal kerajaan. Raja telah mengetahui bahwa Bahaya pasti akan datang karena Wirosapati Batal kembali ke Tanjung Pura untuk meminang Ratna Manggali, disana Raja memerintahkan punggawanya untuk menemui Patih Madu untuk bersedia berjaga - jaga di perempatan di bencingah kerajaan karena tanda - tanda musuh akan segera datang, mendengar pesan yang disampaikan oleh pengawal Raja, Patih Madu langsung bergegas berangkat ke Catus Pata untuk berjaga disana, pas di Sandi Kala Patih madu Suda Tiba di Catus Pata, benar saja belum lama Patih Madu berjaga disana suasana mencekampun terjadi, angin ribut, suara anjing tidak henti - hentinya, sura Burung Kokila bersautan tanpa henti, dan tak selang lama dari kejauhan ditengah gelap datang sesosok perempuan tanpa membawa Sundih menghampiri Patih Madu, Ternya Rarung telah sampai di Jaba wilwatikta.

sesampainya disana Rarung di introgasi Rarung tidak diperkenankan untuk masuk ke Istana karena berbagai alasan oleh Patih Madu oleh Patih Madu, dan sampailah pembicaraan Mereka berdua sampai membuat mereka berkelahi dan mengerhkan kemampuan sepiritual mereka hingga Rarung berubah menjadi burung Garuda Besar dan pertarungan dimenangkan oleh Rarung Patih Madu terkapar bersimba darah dan bola matanya telah hilang di patuk oleh Burung besar tersebut. satu persatu Ksatria Kerajaan Wilwatikta terkapar.

Setelah kejadian itu Rarung batal untuk memasuki Istana, karena marahnya tak kunjung padam Rarung kembali ke Tanjung Pura sambil meredahkan amarahnya, sesampainya Rarung di dekat Tanjung Pura disana Rarung disambut oleh Lenda yang memang merasa tersaingi oleh Rarung dengan sengaja kembali memancing amarah Rarung dan rarung dituduh sengaja Berambisi ke wilwatikta agar bisa tidur dengan Patih Madu, dan benar saja kemarahan Rarung terpancing Lagi serta menantang lenda untuk mengerahkan kekuatan untuk menandingi Rarung yang seketika berubah menjadi Kala Sungsang ( berwujud Raksasa Hitam dengan kepala dibawah dan kakai diatas) Rarung kembali mengingatkan Lenda untuk segera berbah wujud sampai menggetarkan Tanjung Pura, dengan sedikit Ragu lenda yang terlanjur terdesak langsung mengiyakan untuk bertarung melawan Rarung, seketika Lendapun berubah wujud menjadi Dirgha Bahu (Sesosok Raksasa berlengan Panjang dan Rambut Panjang hingga menyentuh Tanah) pertarungan mereka berdua sampai mengakibatkan heboh Tanjung Pura dan sampai memnggangu Banowati dan datang menghampiri mereka berdua, karena jika kekuatan telah beradu tak ada yang bisa memisahkan mereka kecuali Gurunya Banowati, dan dengan perasaan cemas banowati berusaha melerai mereka berdua.

BERSAMBUNG...........

WAYANG WONG BALI

Wayang wong bali adalah wayng orang yang terdapat di Bali, Wayang Wong Bali memiliki nilai spiritual yang sangat tinggi, contohnya wayang wong yang terdapat di Desa Saya "DESA PAKRAMAN TALEPUD". wayang wong disini bisa dikatakan suatu kehendak dari atas (dari leluhur) alasannya adalah karena topeng/ tapel wayang wong ini adalah Keramat dan Sakral, karena disungsung di Pura.

dan Asal usul Topeng ini belum ada yang bisa menjelaskan pasti dengan kata lain tidak ada yang mengetahui siapa yang membuatnya.

Fungsi : Selain sebagai untuk pertunjukan semata wayang wong kami ini juga adalah bagian dari Wali - wali yang terdapat didesa saya ini.

Lakon: Wayang wong di desa saya ini merupakan wayang wong yang selalu mengambil lakon , RAMAYANA dikarenakan sesuhunan secara garis besara untuk mendukung  cerita RAMAYANA, 
tapi kalo maunya cerita MAHABARTHA ya bisa juga sih, tp perlu diperhitungkan terlebih dahulu.

GAMABAR :